Şərtlər və qaydalar

1. Ümumi şərtlər

Bu sənəd 4You platformasında göstərilən xidmətlərdən istifadə qaydalarını tənzimləyir. Platformaya üzv olmaq və xidmətlərdən yararlanmaqla, istifadəçilər bu şərtləri qəbul etmiş sayılırlar. Platforma qeydiyyatdan keçmiş istifadəçilərə psixoloq seçmək və onlayn seans bron etmək imkanı təqdim edir.

2. İstifadəçi Qeydiyyatı və Məsuliyyətlər

İstifadəçilər platformada qeydiyyatdan keçərkən özləri haqqında düzgün və tam məlumat verməyə borcludurlar. Qeydiyyat zamanı təqdim edilən şəxsi məlumatlar yalnız istifadəçiyə məxsus olmalıdır. Hesabın təhlükəsizliyinin təmin edilməsi üçün giriş məlumatları heç bir üçüncü şəxslə paylaşılmamalıdır. Əgər platforma istifadəçinin qeyri-dəqiq və ya yalan məlumat təqdim etdiyini müəyyən edərsə, həmin istifadəçinin hesabını müvəqqəti və ya tamamilə deaktiv etmək hüququna malikdir.

3. Xidmətlərin Göstərilməsi və Seans Keçirilməsi

İstifadəçilər platformada mövcud olan psixoloqlardan birini seçərək onlayn seans bron edə bilərlər. Seanslar video formatında həyata keçirilir. Hər bir psixoloq yalnız elan etdiyi saatlarda xidmət göstərə bilər və istifadəçilər seçdikləri vaxtda platformaya daxil olub seansa qoşulmalıdırlar.

4. Ödəniş və Geri Ödəniş Siyasəti

Platformada göstərilən bütün xidmətlər əvvəlcədən ödəniş əsasında həyata keçirilir. Ödənişlər platforma tərəfindən qəbul edilən rəsmi ödəmə üsulları vasitəsilə həyata keçirilir.

İstifadəçi bron edilmiş seansa 10 dəqiqədən artıq gecikərsə, seans avtomatik ləğv edilir və ödəniş geri qaytarılmır. Bu qayda platformanın psixoloqların vaxtına hörmət edilməsi prinsipini qoruması üçün tətbiq olunur.

Seansın vaxtına 24 saatdan çox qalmış bron ləğv edilərsə, ödənişin 85%-i geri qaytarılır. Əgər seansın başlamağına 24 saatdan az qalmışsa, ödəniş geri qaytarılmır. Platforma texniki problemlər və ya psixoloqun iştirakı mümkün olmadığı hallarda istifadəçiyə ya tam geri ödəniş edir, ya da başqa bir seans təyin etmək imkanı yaradır.

5. İstifadə Qaydaları və Davranış Standartları

İstifadəçilər platformadan istifadə edərkən etik və hörmətli davranış qaydalarına riayət etməlidirlər. Psixoloqlara qarşı qeyri-etik, hörmətsiz və ya təhqiredici davranış sərgiləyən istifadəçilərin hesabları xəbərdarlıq edilmədən bağlana bilər. Platformanın xidmətlərindən qeyri-qanuni məqsədlər üçün istifadə olunması qəti şəkildə qadağandır.

6. Məsuliyyət Məhdudiyyəti

4You platforması istifadəçilərə psixoloji dəstək və məsləhət xidmətləri təqdim edir, lakin hər hansı tibbi diaqnoz və ya müalicə təqdim etmir. İstifadəçilər platformadakı psixoloqların tövsiyələrindən şəxsi məsuliyyətləri çərçivəsində istifadə edirlər. Platforma xidmətin istifadəsi nəticəsində yarana biləcək hər hansı bir psixoloji, hüquqi və ya maliyyə nəticələrinə görə məsuliyyət daşımır.

7. Şərtlərin Dəyişdirilməsi və Əlaqə Məlumatları

4You platforması bu şərtləri istənilən vaxt dəyişmək hüququna malikdir və dəyişikliklər barədə istifadəçilərə öncədən məlumat verilir. Şərtlərlə bağlı hər hansı sualınız olarsa, bizimlə aşağıdakı vasitələrlə əlaqə saxlaya bilərsiniz:

📩 E-mail: [email protected]
📞 Telefon: +994516292416